1 Қыркүйек «Білім күні»

Білім күнін өткізу Қазақстан Республикасының Конституция күні, «Мәңгілік ел»  жалпыұлттық  патриоттық идеясы және Қазақстан Республикасының Тәуелсіздігінің 25   жылдығын  ұйымдастыру   мен  өткізу  жөніндегі Ұлттық іс-шаралар жоспарына негізделіп   ұйымдастырылды.  Таңғы    сағат    09⁰⁰ - де  мектеп  алаңында  оқушылар,  мұғалімдер,  ата - аналар   сап түзеп  ҚР  мемлекеттік  әнұраны  шырқалды. Алғашқы құттықтау     сөз     кезегін    мектеп     басшысы     Мейірбек     Жұмабекұлы    бастап,   салтанатты   жиынға   жиналған    барша   жұртты   мерекемен  құттықтады. Сонымен  қатар  өткен   оқу   жылының   қорытындысы   бойынша   қол  жеткізген жетістіктерге тоқталды.  Атап   айтар  болсақ, ҰБТ - ға мектеп бітіруші  13  түлек  қатысып,  орташа  81,6    балл     көрсеткішін    көрсетті.    ЖОО – на   2 мектеп   түлегі  оқуға түсті. Олар  Ғиндашев   Ердан   -   Алматы    қаласындағы   Әл  -  Фараби   атындағы     Ұлттық    университеті,    Шамратов   Ерсұлтан  -   Алматы   қаласындағы  Қ.Сәтпаев  атындағы  техникалық университетке  түссе, 5 мектеп түлегі арнаулы оқу колледждерінің  грант  иегері  атанды.  Сондай  ақ  жыл    бойы  ғылыми  жобалармен байқауларға   қатысып   жүлделі     орындарға  ие    болған    оқушылармен    мұғалімдерді   сертификаттармен марапаттады.

Жаңалықты мекеменің сайтында қарауЖаңалықтар тізіміне көшу